19:14
(077) 610-22-33

Jurnalıstlərın yenı bınasının layihəsi hazırdır

  • >
365 12 Dekabr 2013 20:15 | Cəmiyyət

Bakının Bibiheybət qəsəbəsində jurnalistlər üçün tikiləcək yeni binanın layihəsi bu həftə təsdiq olunacaq.

Bu gün "Media forum" saytına açıqlamasında KİV-in İnkişafına Dövlət Dəstəyi Fondunun icraçı direktoru Vüqar Səfərli deyib ki, yeni bina ilə bağlı bütün məsələlər həll olunub: "Binanın layihəsi hazırdır. Amma binanın inşaat pasportu çıxmamış, Bakı Şəhər İcra Hakimiyyəti layihəni təsdiqləməmiş tenderin qalibi elan oluna bilməz. Bu həftə ərzində həmin məsələlər həllini tapacaq".

Sentyabrda KİV-in İnkişafına Dövlət Dəstəyi Fondu yeni binanın layihə-smeta sənədlərinin hazırlanması ilə bağlı tender elan edib. Tenderə üç şirkət qatılıb.

Yeni bina 17 mərtəbəli və 3 bloklu olmalı, burada 1, 2, 3 və 4 otaqlı mənzillər istifadəyə verilməlidir.

Bibiheybət qəsəbəsində yerləşən, açılış mərasimi bu ilin iyulunda olmuş, 156 mənzilli, sahibləri müəyyənləşmiş binaya gəlincə, Vüqar Səfərli bildirib ki, bu binanın dövlət aktı təsdiqlənib, Bakı Şəhər İcra Hakimiyyətinin sərəncamı ilə bina istifadəyə qəbul olunub: "Hazırda digər sənədləşmə işləri gedir. Belə ki, suyun, qazın, işığın ev sahiblərinin adlarına keçirilməsi üçün onların şəxsiyyət vəsiqələrini toplamışıq. Əslində bu sənədləşmə işlərini onlar özləri etməli idi. Bütün işləri yekunlaşdırıb hamısını onlara hədiyyə etmək istəyirəm. Sənədlər hazırlanıb paket formasında ev sahiblərinə veriləcək. Bu ayın 25-nə kimi məsələ həll olunacaq. Həmin sənədlər təntənəli şəkildə təqdim ediləcək. Səhəri gün mənzil almış hər bir jurnalist evin açarını götürüb köçə biləcək.

Biz binada xidməti MMC də yaradacağıq. Həmin qurum yalnız binaya xidmət edəcək. İşığın, qazın, suyun vaxtlı-vaxtında verilməsinə nəzarət edəcək. Binada elə bir şərait yaratmışıq ki, səhəri gün heç bir problem yaranmasın. İstəyirik ki, jurnalistlər yeni ili evlərində rahat keçirsin".


AzNews.az
Bağla X