06:40
(077) 610-22-33

Sabahdan temperatur aşağı düşəcək

  • >
717 15 Avqust 2012 11:42 | Cəmiyyət

Sabah Bakı və Abşeron yarımadasında hava şəraitinin əsasən günəşli keçəcəyi gözlənilir. Şimal küləyi gündüz cənub-şərq küləyi ilə əvəz olunacaq. AzNews.az-a Ekologiya və Təbii Sərvətlər Nazirliyi Milli Hidrometeorologiya Departamentindən verilən məlumata görə, havanın temperaturu gecə 23-28, gündüz 36-38, bəzi yerlərdə 40 dərəcə isti təşkil edəcək.

Abşeronun çimərliklərində dəniz suyunun temperaturu Sumqayıt, Novxanı, Pirşağı, Nardaran, Bilgəh, Zaqulbada 26-27, Buzovna, Mərdəkan, Şüvəlanda 27-28, Türkan, Hövsan, Şıx, Sahildə 29-30 dərəcə isti olacaq.

Qeyd edək ki, Azərbaycanın rayonlarında avqustun 16-da hava şəraitinin əsasən yağmursuz keçəcəyi gözlənilir. Şərq küləyi əsəcək. Havanın temperaturu gecə 20-25, gündüz 36-39, bəzi yerlərdə 42, dağlarda gecə 14-18, gündüz 30-35 dərəcə isti olacaq.

Avqustun 16-da hava şəraitinin yağmursuz keçəcəyi bildirilir. Temperatur rejimində mühüm dəyişiklik gözlənilmir. Zəif cənub-şərq küləyi avqustun 17-də arabir güclənən şimal-qərb küləyi ilə əvəz olunacaq. Temperatur ötən günlərə nisbətən 3-5 dərəcə aşağı enəcək.


Sevinc

AzNews.az

Bağla X