15:39
(077) 610-22-33

Xalq artisti ağır durumda: “Təcili əməliyyat olunmalıyam”

  • >
244 17 Yanvar 2014 11:11 | Cəmiyyət

Xalq artisti, məşhur aktyor Ramiz Əzizbəylinin səhhəti kəskin pisləşib.


Bu barədə məlumat AzNews.az-a Xalq artistinin yaxınlarından daxil olub. Məlumatda qeyd olunur ki, R.Əzizbəylinin ayaqları tamamilə tutulub, yataq xəstəsinə çevrilib.

Onun təcili əməliyyata ehtiyacı olduğu, lakin bunun üçün maddi imkanının olmadığı da gələn xəbərlər sırasındadır.

Bununla AzNews.az-ın əməkdaşı Xalq artistinin özü ilə əlaqə saxlayıb.

O, yayılan xəbərləri təsdiqləyib: "İflic vəziyyətindəyəm, gəzə bilmirəm, təcili əməliyyata ehtiyacım var".

Onun sözlərinə görə, ayaqları tamamilə tutulub: "Baxımsızlıq ucbatından əldən gedirəm".

R.Əzizbəyli müalicə və əməliyyat üçün maddi imkanının olmadığını da dilə gətirib: "Təqaüd də almıram ki, dava-dərmana verəm. Dövlətimi, dövlətçiliyimi sevirəm. Susmuşam, oturmuşam, gözləyirəm".

Bahar Rüstəmli
AzNews.az
Bağla X