Nazirlikdən Şahin Sultanovun həbs xəbərinə münasibət

Müdafiə Nazirliyi Hərbi Dəniz Qüvvələrinin (HDQ) keçmiş komandanı, vitse-admiral Şahin Sultanovun həbsi ilə bağlı xəbərə münasibət bildirib.
Nazirliyin mətbuat xidmətindən AzNews.az-a açıqlamasında deyib ki, Ş. Sultanov bu ilin martında prezidentin sərəncamı ilə vəzifəsindən azad edilib: "Şahin Sultanov artıq Müdafiə Nazirliyinin hərbi qulluqçusu sayılmadığına görə, bu haqda bizə heç bir rəsmi məlumat daxil olmayıb. Bu haqda Müdafiə Nazirliyi deyil, Respublika Hərbi Prokurorluğdan soruşmağınız məsləhət görülür".

Qeyd edək ki, "Qafqazinfo" HDQ-nın keçmiş komandanı Şahin Sultanovun həbs olunması ilə bağlı məlumat yayıb. Məlumatda bildirilib ki, eks-komandan Şahin Sultanov dünən həbs olunub.

Amid
AzNews.az