13:30
(077) 610-22-33

“Ata” sığorta müştərilərinə “atır” – ŞİKAYƏT

  • >
1 591 9 Avqust 2014 12:30 | Cəmiyyət

"Ata" Sığorta şirkəti müştəri qarşısında götürdüyü öhdəliyi yerinə yetirmir. Bu barədə AzNews.az-a sığorta şirkətinin müştərisi olan Bakı şəhər sakini İlham Rəsulov məlumat verib.

İ.Rəsulov bildirib ki, iyunun 11-də sahibi olduğu 10 ZZ 443 dövlət nömrə nişanlı BMW markalı avtomobillə qəzaya düşüb.

Qəzadan sonra bütün lazımi sənədlər sığorta şirkətinə təqdim edilsə də, hələlik ödəniş edilməyib: "Avtomobilimə 4500 manat məbləğində ziyan dəyib. Sığortanı ona görə edirlər ki, belə məqamlarda çətin vəziyyətə düşməyəsən. Amma şirkət hələ ki, mənə həmin məbləği ödəmir. Düz iki aydır mən o şirkətə ayaq döyürəm. Gündə bir bəhanə gətirirlər".

Məsələ ilə bağlı sözügedən şirkətlə də əlaqə saxlamağa çalışdıq, ancaq zənglərimizə cavab verən olmadı.

İntiqam Valehoğlu
AzNews.az
Bağla X