11:23
(077) 610-22-33

“Peyğəmbərə 40 sual”dan – On birinci sual

  • >
1 299 23 Sentyabr 2012 09:34 | Cəmiyyət

AzNews.az saytı "Stolüstü kitab" rubrikasında çoxunun stolüstü kitabına çevrilən "Peyğəmbərə 40 sual-cavab" kitabından istifadə etməklə, sonuncu peyğəmbər Məhəmmədə (s.ə.s) ünvanlanan sualları və Allahın Rəsulunun cavablarını təqdim edir.

Cəhənnnəmdən və əlamətlərindən xəbər ver, ya Məhəmməd. Haqq-taala cəhənnəmi nədən yaratdı?


Peyğəmbər cavab verdi ki, Allah-taala Cəhənnəmi öz xişmindən yaratdı. Yeddi qatdır və bir-birindən yetmiş illik yol məsafəsi qədər aralıdadır. Hər birinin də adı var. Əvvəlinci qatın adı iki cürdür: biri Haviyyə, o birisi isə Əsvən adlanır.

İkincisinin adı Xuzamədir, bu Firon və onun əshabələrinin yeridir.
Üçüncüsü Sağardır. Bu yer zındıqlar üçündür.

Dördücüsünün adı Ləzad, beşincisi Səğərə, altıncısı isə Qəyya adlanır.
Cəhənnəm adlanan yeddinci guşə növbəsiz gedən ümmətlər üçündür. Günahları az olanlar bura göndərilir. Günahlarını boyunlarına alıb, Allah-taaladan ümid istəyib bağışlananlar sonra cənnətə gedərlər.
Bu yeddi cəhənnəmdə böyüklüyü heç bir ölçüyə sığmayan yetmiş min ev vardır. Hər evdə yetmiş min süfrə vardır və hər süfrədə yetmiş min mağar var. Hər mağarda yetmiş min sandıq qoyulmuşdur. "Nəuzu billahu" – onlar bir-birinə bənzəməzlər. Vay o kəslərə ki onun içinə girəcəklər.

AzNews.az
Bağla X