- Köhnə - Cəmiyyət
- 19 Mart 2015 15:41
- 3 920
Şəhid ailələrinə yardım edildi – Novruz sovqatı
Füzuli rayonunda Novruz şənliyi keçirilib. Bayram münasibətilə rayonun icra başçısı Alı Alıyev şəhid ailələrinə və imtiyazlı ailələrə baş çəkib.
AzNews.az xəbər verir ki, ailələrin problemləri ilə maraqlanan icra başçısı onlara bayram sovqatları verib, həmin ailələrlə birgə çay süfrəsi arxasında əyləşib. Novruz bayramının paylaşmağın, yardımlaşmağın, qardaşlığın və əmin-amanlığın rəmzi olduğunu bildirib.
Alı Alıyev Horadiz şəhər sakinləri şəhid anası Xanım Hüseynxanova, Mehrac Əliyev, Əsnay Tanrıverdiyeva və digərləri ilə söhbətində bildirib ki, insanların sosial müdafiəsinə xidmət edən çoxsaylı xidmətləri füzulililərin ölkə başçısına, onun xanımına olan inamını gücləndirir, arzu olunan günlərin – işğal olunmuş torpaqlarımıza, Füzuliyə qayıdışın böyük əsası olduğu inamını artırır.
Şəhid anası Xanım Hüseynxanova, Mehrac Əliyev, Əsnay Tanrıverdiyeva həmişə dövlətin diqqət və qayğısını hiss etdiklərini vurğulayıblar.