“Akif Səmədin oğlu düz deyir, maraqlanmadım” - Saday Budaqlı

Mərhum şair Akif Səmədin oğlu Ulucay Akif atasının dostlarını ağır ittiham edib. O bildirib ki, A.Səmədin dostları da onun atası ilə birlikdə ölüb.

Akif Səmədin yaxın dostu, yazıçı Saday Budaqlı AzNews.az-a Ulucay Akifin ittihamının əsaslı olduğunu deyib:
"Düz deyir, haqlı iraddır. Mən o, rəhmətliyin ən yaxın dostu idim. Düzünü deyim ki, mənim Akifin ailəsi ilə yaxınlığım olmadığından evlərinə gedib gəlmirdim O, dünyasını dəyişəndən sonra ailəsi ilə bir dəfə də olsun əlaqə saxlamadım, vəziyyətlərilə maraqlanmadım".




Qeyd edək ki, Akif Səmədin oğlu Ulucay Akifin ittihamları "Kulis.az" saytında yer alıb.

Bahar RÜSTƏMLİ
AzNews.az