Voronenkovun qatilinin üzərindən bir neçə şəxsiyyət vəsiqəsi tapılıb

Ukraynada öldürülən rusiyalı keçmiş deputatın qatilinin üzərindən şəxsiyyətini təsdiqləyən bir neçə vəsiqə tapılıb.

AzNews.az xarici KİV-ə istinadən xəbər verir ki, bu barədə Ukrayna Baş Prokurorluğu məlumat yayıb. Qatil Voronenkovun cangüdəni tərəfindən yaralanıb və xəstəxanada keçinib.

Ukrayna Baş Prokuroru Yuriy Luçenko bəyan edib ki, Voronenkov keçmiş prezident Viktor Yanukoviç əlehinə ifadə verib və buna görə də xüsusi xidmət orqanları tərəfindən mühafizə olunurdu.