Xarici İşlər naziri müxalifətlə görüşdü

Almaniyada səfərdə olan İranın xarici işlər naziri Əli Əkbər Salehi 49-cu Münhen Təhlükəsizlik Konfransı çərçivəsində Suriya Milli Koalisiyasının lideri Əhməd Müəz əl-Xətib ilə görüşüb.

Görüş 45 dəqiqə davam edib. Xəbərdə tərəflərin Suriyadakı böhranın aradan qaldırılması üçün bir həll yolu tapılması məsələsində uzlaşmaya vardıqları qeyd olunub.

Qeyd edək ki, Ə. Salehi səfər çərçivəsində BMT-nin Suriya üzrə xüsusi nümayəndəsi Əhzar İbrahimi, Livanın baş naziri Nəcib Mikati, Almaniya və İtaliyanın xarici işlər nazirləri ilə də görüşüb.

AzNews.az