Suriya müxalifətinin liderlərindən olan Kadri Cəmil Rusiya, Türkiyə və İran prezidentlərinin Soçidə imzaladığı birgə bəyannaməni alqışlayıb.
AzNews.az rus mətbuatına istinadən xəbər verir ki, üç ölkənin prezidentləri Suriya öhranı ilə bağlı bütün vacib məsələləri müzakirə ediblər.
Kadri Cəmil deyib ki, bu bəyannamə Suriyanın gələcəyinin vacib özülüdür.
Rusiya, İran və Türkiyə İŞİD də daxil olmaqla terrorla mübarizə mövzusunda əməkdaşlığı daha da genişləndirmək barədə razılığa gəlib.
Bu barədə Rusiya prezidenti Vladimir Putin üç ölkə liderləri arasındakı Soçi görüşünün yekunu olaraq bəyan edib.
"İŞİD, Cəbhət ən-Nusra və digər ekstremist qruplaşmaları sonuna qədər məhv etməklə bağlı əməkdaşlığı genişləndirmək üçün liderlər hazır olduqlarını təsdiq etdilər".