İŞİD kilsəni partlatdı - 8 ölü

Pakistanın cənub-qərbində Kvetta şəhərində güclü silahlanmış intiharçıların kilsəyə izdihamlı hücumu nəticəsində ölkənin azlıqda olan xristian icmasının səkkiz üzvü həyatını itirib.

AzNews.az xarici mediaya istinadən xəbər verir ki, rəsmilər və həkimlərin bildirdiyinə görə, hücumun qurbanları arasında qadınlar və uşaqlar da var.

Bethel metodist kilsəsi şəhərin güclü mühafizə olunan mərkəzi hissəsində yerləşir. Şahidlərin verdiyi məlumata görə, hücumçular kilsənin təxminən 400 insanın bazar günü ibadət üçün toplaşdığı əsas zalına daxil olmaq istəyiblər. Lakin əsas qapının önündə dayanan polis nəfəri onların qarşısını almağa çalışıb və onlardan birini güllə ilə vurub öldürüb. Hücumçulardan biri atışma zamanı özünü zalın qarşısında partladıb. Partlayış nəticəsində polis nəfəri ölümcül yaralanıb.

Vilayətin polis idarəsinin başçısı, baş inspektor Müəzzəm Ənsari müxbirlərə deyib ki, üçüncü şübhəli atışma zamanı yaxınlıqdakı yaşayış sahəsinə qaçıb və onun ələ keçirilməsi üçün axtarış əməliyyatı davam edir.

Hücuma görə məsuliyyəti İŞİD qruplaşması öz üzərinə götürüb.