Bəşər Əsəd Rusiya baş nazirinin müavini ilə görüşdü

Rusiya baş nazirinin müavini Dmitri Roqozin Suriyaya işgüzar səfəri çərçivəsində bu ölkənin prezidenti Bəşər Əsədlə görüşüb.

AzNews.az rus mətbuatına istinadən xəbər verir ki, səfər çərçivəsində rusiyalı rəsmi həmçinin baş nazir və xarici işlər naziri ilə görüşüb.

Bununla yanaşı, o, rus aviabazası "Xmeymim"də toplantı keçirib.

Görüşlərdən sonra keçirdiyi toplantıda Roqozin deyib ki, Suriya xalqı və rəhbərliyi Rusiyaya isti münasibət bəsləyir və böyük ümidlə yanaşır.