“Bu şəxsləri alimentdən azad etmək lazımdır” - Təklif

Rusiya Liberal Demokratik Partiyasının lideri Vladimir Jirinovski yeni ailəsindən ikinci uşağı olan kişiləri aliment ödəməkdən azad etməyi təklif edir.

AzNews.az xəbər verir ki, Jirinovskinin sözlərinə görə, əgər kişi digər qadınla ilə həyatı qurubsa və onunla yaşayırsa, həmin nigahdan uşaq dünyaya gəlirsə o zaman o alimentdən azad olunmalıdır. Çünki, iki uşağı eyni zamanda pulla təmin edə bilmir və nəticədə ikinci ailə həyatı da dağılır.

Siyasətçinin sözlərinə görə, ikinci uşaq doğulduğunda da qadına analıq pulu ödənilir, amma ikinci uşağı yeni ailədə doğulan kişiyə heç bir şey ödənmir.

"Bir kişi ikinci ailə həyatı qurubsa, iki uşağı varsa, ona heç bir şey vermirik - bu, kişilərin hüququnun pozulmasıdır", -deyə o deyib.