Yaponiyada intihar edənin ailəsinə 15 milyon təzminat verildi

Yaponiyada məhkəmə nüvə fəlakəti səbəbilə kəndinin təxliyə ediləcəyini öyrəndikdən sonra intihar edən kişinin ailəsinə 15,2 milyon yen təzminat ödənməsi qərarını verib.

AzNews.az dünya mətbuatına istinadən xəbər verir ki, Fukuşima bölgə məhkəməsi Tokio Elektrik Enerjisi Şirkətinin nüvə fəlakətinə görə doğulub böyüdüyü kəndinin boşaldılacağını öyrəndikdən sonra intihar edən 102 yaşındakı Fumio Okubonun ailəsinə 15,2 milyon yen ödənməsi hökmünü çıxardıb.

Ailəsi Okubonun həyatı boyu Fukuşima nüvə stansiyasının təxminən 40 kilometr şimal-şərqində yaşayan kənddə yaşadığını, oradan heç yerə getmədiyini və buna görə də təxliyə qərarının onun ölümünə yol açdığını iddia ediblər.