ABŞ Rusiyanı Suriyada dinc sakinlərin öldürülməsində ittiham edir

ABŞ Moskva və Dəməşqi Suriyanın Şərqi Quta bölgəsində dinc sakinlərə hücum etməkdə günahlandırıb.

AzNews.az-ın dünya mətbuatına istinadən verdiyi məlumata görə, bu barədə Ağ Evin mətbuat katibi Sara Sanders açıqlama verib.

"ABŞ, Rusiya və Suriya prezidenti Bəşər Əsədin Şərq Qutada dinc əhaliyə qarşı hücumlarını qətiyyətlə pisləyir", deyə hesabatda bildirilib.

Vaşinqton Rusiyanı Suriyadakı "öhdəliklərə riayət etməyə və vətəndaşlara hücumları dayandırmağa" çağırıb.

Xatrıladaq ki, müharibə nəticəsində Şərqi Qutada 100-dən çox dinc sakin həlak olub.