Çində yeni ili qeyd edən 51 nəfər öldü

Çində "Çuncie" (bahar bayramı - yeni il) bayramında verilən bir həftəlik tətil zamanı 51 nəfər ölüb.

AzNews.az-ın dünya mətbuatına istinadən verdiyi məlumata görə, Çində bayramı qeyd edən əhali arasında fişəng və atəşfəşanlıq səbəbilə ölən və yaralananlar da olub. Belə ki, 51 nəfər ölüb, 9 nəfər yaralanıb. 15-21 fevral arası bayram tətili elan edilib və bu zaman atəşfəşanlıq keçirilən 12 min yerdə yanğın çıxıb.

Qeyd edək ki, yeni ili qeyd edən çinlilər fişəng və atəşfəşanlıqla "pis ruhlar"ı qovmağa çalışırlar.