Marseldə dəmiryolu vağzalı təxliyə edildi

Fransanın Marsel şəhərində Sen-Şarl dəmiryolu vağzalı təxliyə edilib.

Trend-in "Provence"yə istinadən verdiyi məlumata görə, təxliyəyə səbəb vağzalda şübhəli şəxsin saxlanılması olub.

Məlumata əsasən, vağzalda əlində şübhəli çanta olan şəxs saxlanılıb. Saxlanılarkən o sənədlərini təqdim etməkdən imtina edib və bildirib ki, çantasında partlayıcı qurğu yoxdur.

Hazırda istehkamçılar çantanı yoxlayırlar, qatarların həkəti bir müddətlik dayandırılıb.

AzNews.az