- Köhnə - Dünya
- 22 İyul 2018 20:11
- 3 352
Əfqan vitse-prezident Kabilə çatdı - Aeroportda partlayış oldu (Yenilənib)
Əfqanıstana qayıtmış Birinci vitse-prezident Əbdül Rəşid Dostum Kabil aeroportunu tərk etdikdən sonra yaxınlıqda partlayış baş verib.
AzNews.az-ın məlumatına görə, partlayış nəticəsində 16 nəfər həlak olub. 50 nəfərdən çox yaralı var.
Bu barədə Əfqanıstan Daxili İşlər Nazirliyi məlumat yayıb.
***
18:29
AzNews.az xarici KİV-lərə istinadən xəbər verir ki, Əfqanıstan Daxili İşlər Nazirliyinin mətbuat katibi Nəcib Danişin sözlərinə görə, hadisə güman ki, intiharçı-terrorçu tərəfindən törədilib.
Hadisə nəticəsində 10-dan çox adam ölüb. Həlak olanların əksəriyyətinin təhlükəsizlik qüvvələrinin əməkdaşları olduğu bildirilir.
Çarter reyslə gələn Əbdül Rəşid Dostumun olduğu təyyarə Hamid Karzai adına beynəlxalq aeroportda enib. Yüzlərlə insan, o cümlədən yüksək vəzifəli məmurlar onu qarşılamaq üçün aeroportda toplaşmışdılar. Siyasətçi Türkiyədə 14 ay qalıb.
Qeyd edək ki, bu, təqib edilən Əbdül Rəşid Dostumun 2017-ci ildə Türkiyəyə getdikdən sonra vətənə ilk qayıdışı idi.