ABŞ mediası: “Amerikan birjası batır”

ABŞ prezidenti Donald Trampın Türkiyəyə qarşı gömrük vergilərini artırmasından sonra Türkiyə də əks-cavabla çıxış edib. Trampın ticarət müqavilələri və siyasətini zaman-zaman “mənasız” adlandırdığına görə ABŞ-ın illik büdcəsində 800 milyard dollar qədər boşluq yaranır.

AzNews.az “Milliyet”ə istinadən xəbər verir ki, Trampın Türkiyə ilə münasibətləri ABŞ mediasının da müzakirə mövzusudur. Ölkənin və dünyanın aparıcı telekanallarından olan CNN canlı yayımda amerikan birjasının son vəziyyətini ekrana gətirərək “Türkiyə ilə iqtisadi müharibə ABŞ birjasını batırdı” – deyə, rəy bildirib.

Həmçinin “New Yorker” jurnalı da ABŞ-Türkiyə arasında olan iqtisadi münasibətlərin gərginləşməsini tənqid edərək bunun qanuni əsasının olmadığını və amerikan istehsalçılara mənfi təsir göstərdiyini qeyd edib.

Nurlan AĞA
AzNews.az