ABŞ-ın Ankaradakı səfirliyi atəşə tutuldu - Yenilənib

ABŞ-ın Türkiyənin paytaxtı Ankarada yerləşən səfirliyini atəşə tutan şəxslərin kimli məlum olub.

AzNews.az -ın məlumatına görə, bu barədə Ankara Qubernatorluğu açıqlama verib.

Bildirilib ki, hadisəni törədən şəxslər Türkiyə vətəndaşları Əhməd Çelikten ve Osman Gündaşdı.

Qeyd edək ki, onlar Makar tipli tapancadan səfirliyə bir neçə dəfə atəş açıblar.

Hadisəni törətməkdə əsas məqsəd isə ölkədə xaos yaratmaqdı.

X X X

09:18

Trend-in Türkiyə KİV-lərinə istinadən verdiyi məlumata görə, insident yerli vaxtla saat 05:00 radələrində baş verib, atəş yolun kənarında dayanan ağ avtomobildən açılıb. Hadisə nəticəsində xəsarət alan olmayıb.

Bildirilir ki, atəş açan şəxslər hadisə yerindən qaça bilib.

X X X

ABŞ-ın Ankaradakı səfirliyinə qarşı həyata keçirilmiş silahlı hücumla bağlı Ankara valiliyindən açıqlama verilib.

AzNews.az Türkiyə KİV-nə əsasən bildirir ki, səfirliyə ağ rəngli maşından kimliyi dəqiqləşdirilməmiş şəxslər tərəfindən altı dəfə atəş açılıb.

Araşdırma nəticəsində məlum olub ki, altı güllədən üçü dəmir qapı və şüşəbəndə tuş gəlib.

Valilikdən verilən açıqlamaya görə, hücum nəticəsində xəsarət alan olmayıb.

Nurlan AĞA
AzNews.az