Rusiya və Türkiyə arasındakı razılaşmanı o şərtlə dəstəkləyəcəyik ki... – Amerikalı hərbçi

ABŞ-ın İraq və Suriyada İŞİD terror təşkilatına qarşı apardığı hərbi əməliyyatın sözçüsü polkovnik Sin Ryan Rusiya və Türkiyə arasındakı bağlanan İdlib müqaviləsinə münasibət bildirib.

AzNews.az Türkiyənin “Vatan” qəzetinə istinadən xəbər verir ki, Bağdadda keçirdiyi videokonfransda müqavilənin dəstəklənməsi üçün şərtləri açıqlayıb: “Bu müqvilə daimi olsa, humanitar fəlakətin qarşısını ala bilsə, ABŞ tam dəstəkləyəcək”.

Qeyd edək ki, Rusiya və Türkiyə prezidentləri Vladimir Putinlə Rəcəb Tayyib Ərdoğan arasında sentyabrın 17-də keçirilən Soçi görüşündə Suriyada təhlükəsiz zonanın yaradılasması, hərbi əməliyyatların qeyri-müəyyən vaxtadək dayandırılması barədə razılığa gəlinib.

Nurlan AĞA
AzNews.az