Hollivud ulduzu Coni Dep yaralandı

Məşhur Hollivud aktyoru Coni Dep çəkilişlər zamanı ciddi xəsarət alıb.

AzNews.az xarici mətbuata istinadən xəbər verir ki, aktyor "Karib dənizinin quldurları: Ölülər nağıl danışmır" filminin Avstraliyadakı çəkilişləri zamanı yaralanıb.

Əlindən xəsarət alan Dep çəkiliş meydançasını tərk edərək ABŞ-a yollanmaq məcburiyyətində qalıb.

"The Hollywood Reporter"un yazdığına görə, aktyor tez bir zamanda əməliyyat ediləcək.
Qeyd edək ki, yeni çəkilən film "Karib dənizinin quldurları" filminin 5-ci hissəsidir.