ABŞ vətəndaşlarına xəbərdarlıq etdi

ABŞ-ın Səudiyyə Ərəbistanındakı Səfirliyi ABŞ vətəndaşlarına xəbərdarlıq edib.

Musavat.com-un məlumatına görə, xəbərdarlıq səfirliyin internet saytında yayımlanıb. Xəbərdarlıqda qeyd olunub ki, xüsusiylə neft sahəsində çalışan vətəndaşlar diqqətli olmalıdır.

Bildirilib ki, terror təşkilatlarına bağlı şəxslərin neft sahələrində işləyənlərə hücum edəcəkləri barədə məlumat əldə edilib. Xəbərdarlıqda həmçinin neft sahəsində çalışan ABŞ vətəndaşlarına uzaq səfərlərin azaldılması istiqamətində müxtəlif tövsiyələr verilib.

Səfirliyin yaydığı məlumatda Səudiyyə Ərəbistanına səfərlərin də risk daşıdığı qeyd olunub.