Bu ölkə dövlət sərhədini 3 günlüyə bağladı

Nigeriya hakimiyyəti 3 günlüyə ölkənin su və quru sərhədlərini bağlayıb. Sərhədlər bu gecədən ta mart ayının 28-i sona çatanadək bağlı olacaq.

AzNews.az xəbər verir ki, bu haqda məlumatı Reuters agentliyi yayıb.
Məlumatda deyilir ki, məqsəd ölkədə keçiriləcək prezident seçkilərini sülh şəraitində başa vurmaqdır.

Ölkənin hazırkı prezidenti Qudlak Conatan əsas namizəd hesab edilir. 1980-ci illərdə Nigeriyaya rəhbərlik edən Məhəmməd Buxarinin də şansının böyük olduğu deyilir.

Qeyd edək ki, mart ayının 28-də keçiriləcək seçkini "Boko Haram" terror təşkilatının yaraqlıları dəfələrlə pozmaq istəyib.