Yaquar timsahı belə yedi - Fotolar

Kris Branskill adlı şəxs vəhşi təbiəti seyr etmək üçün Brazilyaya səfər edib.

AzNews.az xəbər verir ki, fotoqraf Braziliyada səfər əsnasında yaxınlıqda sürətlə çaya doğru hərəkət edən yaquar görür. Fürsəti əldən verməyən Kris onu izləyir və maraqlı şəkillər çəkir. Yaquarı izləyərək çaya gəlib çıxır. Mirror nəşrinə danışan Kris qeyd edib ki, yaquarın belə sürətlə qaçmasına səbəb timsah olub.Timsah müqavimət göstərib, ancaq yırtıcı onun pəncəsinə ala bilib. Kris təxminən 20 dəqiqəlik bir mübarizəni izləyib və sonra yaquar timsahın boğazını dişləyərək onu öldürməyə müvəffəq olub. Fotoqrafın sözlərinə görə, yaquar qurbanını kollara sürükləmək üçün mübarizə aparıb.