Gədəbəydə ağır qəza - Ölən və yaralananlar var

Gədəbəy rayonunda ağır yol-nəqliyyat hadisəsi qeydə alınıb.

AzNews.az Daxili İşlər Nazirliyinin saytına istinadən xəbər verir ki, hadisə rayonun Qızıl Torpaq kəndində baş verib.

Rayon sakini Yaşar Məmmədovun idarə etdiyi "MMZ-45021" və Tovuz rayon sakini Nazim Quliyevin idarə etdiyi "VAZ-2101" markalı avtomobillər toqquşub. Nəticədə N.Quliyev hadisə yerində ölüb, 4 sərnişin xəstəxanaya yerləşdirilib.

Faktla bağlı Gədəbəy RPŞ tərəfindən araşdırma aparılır.