Neft quyusunda yanğın baş verdi

Siyəzən rayonu, Sədan kəndində neft quyusunda yanğın baş verib.

AzNews.az Fövqəladə Hallar Nazirliyinin saytına istinadən xəbər verir ki, Siyəzən rayonu, Sədan kəndində neft quyusunda montaj işləri aparılan zaman quyunun ətrafına dağılan neft məhsulları 80 m² sahədə və ümumi sahəsi 15 m² olan dəmir konstruksiyalardan ibarət köşkün içərisində quraşdırılan elektrik lövhəsi və elektrik naqilləri yanıb. Buruq və ətrafda olan digər buruqlar yanğından mühafizə olunub.

Yanğın saat 12:01-də yanğınsöndürənlər tərəfindən söndürülüb.