Göygöldə partlayış - Gənc qadın yaralandı

Göygöl rayonunda partlayış baş verib.

Rayonun Qırıqlı kənd sakini 1988-ci il təvəllüdlü Elnurə Ələddin qızı Kərimova hamam otağında çimərkən su qızdırıcısının ("kolonka") partlaması nəticəsində xəsarət alıb. Xəstə Göygöl Mərkəzi Rayon Xəstəxanasına, oradan isə Gəncə şəhər Təcili Tibbi Yardım Xəstəxanasının travmatologiya şöbəsinə göndərilib.

Ona sifətin, kürəyin, hər iki yuxarı ətrafın yanığı diaqnozu qoyulub. E.Kərimovanın vəziyyəti orta-ağır qiymətləndirilir.

Faktla bağlı araşdırma aparılır.

Report.az