Avtomobillər toqquşdu - Yanğın baş verdi

Sabunçu rayonunda "Daewoo markalı minik avtomobili ilə "MAN" markalı yük avtomobili toqquşub.

AzNews.az Fövqəladə Halllar Nazirliyinin saytına istinadən xəbər verir ki, Bakı şəhəri, Sabunçu rayonunda "Daewoo markalı minik avtomobili ilə "MAN" markalı yük avtomobilinin toqquşması nəticəsində yanğınla nəticələnən yol-nəqliyyat qəzası baş verib.

Yanğın nəticəsində "Daewoo" markalı minik avtomobilinin yanar hissələri yanıb.

Yanğın saat 2:52-də yanğınsöndürənlər tərəfindən söndürülüb.