- Köhnə - Hadisə
- 18 Fevral 2017 13:26
- 7 092
İtkin düşən neftçilərdən daha birinin meyiti tapılıb
"Azneft" İB-nin N.Nərimanov adına Neft Qaz Çıxarma İdarəsinin 3 saylı Neft Yığım Məntəqəsinin yaşayış budkasının Xəzər dənizinə uçması nəticəsində itkin düşən neftçilərdən daha birinin meyiti tapılıb.
Bu barədə AzNews.az-a açıqlamasında Neftçilərin Hüquqlarının müdafiə komitəsinin sədri Mirvari Qəhrəmanlı məlumat verib. Onun sözlərinə görə, Hamamdağ ətrafında balıqçıların dənizdən tapdığı cəsəd N.Nərimanov adına NQÇİ-də baş verən qəza vaxtı itkin düşmüş neftçıxarmanın operatoru Vidadi Qurbanovdur:
“Ailəsinə baş sağlığı verirəm. Məkanı cənnətlik olsun. Qəza vaxtı itkin düşənlərin cəsədlərindən biri təsadüfən, ikisi isə yerli balıqçılar tərəfindən tapılıb.”
Dekabrın 15-də "Azneft" İB-nin N.Nərimanov adına Neft Qaz Çıxarma İdarəsinin 3 saylı Neft Yığım Məntəqəsinə məxsus yaşayış budkası Xəzər dənizinə ucub. Hadisə nəticəsində Neft Yığım Məntəqəsinin növbədə olan 5 nəfər və yaşayış budkasında olan 5 nəfər (cəmi 10 nəfər) əməkdaşı itkin düşüb. İtkin düşən neftçilərdən yalnız ikisinin meyiti tapılıb.
Bahar RÜSTƏMLİ
AzNews.az