Ağdamda pambıqyığan kombayn yanıb

Ağdamda pambıqyığan kombayn hərəkətdə olan zaman hava xətti ilə keçən elektrik naqillərinə toxunaraq yanğın baş verib.

AzNews.az FHN-ə istinadən xəbər verir ki, hadisə rayonun Əfətli kəndində olub.

Nəticədə kombaynın bunkerinin üzərinə çəkilmiş tent və bunkerdə olan 2,5 ton pambığın 500 kq yanıb. Sürücü yanıq xəsarəti alıb. Kombaynın və pambığın qalan hissəsi yanğından mühafizə olunub, yanğın yanğınsöndürənlər tərəfindən söndürülüb.