- Köhnə - Hadisə
- 17 Mart 2018 18:05
- 4 221
AZAL-a məxsus təyyarədə nasazlıq - Sərnişinlər...
İstanbulun Atatürk Hava Limanında "Azərbaycan Hava Yolları" QSC-yə (AZAL) məxsus “Boeing 767-300” təyyarəsində nasazlıq baş verib.
AzNews.az xəbər verir ki, hadisə ekipaj üzvünün sərnişinlərin təyyarədən çıxması üçün qapılarını açmağa başlayan zaman baş verib. O səhvən təxliyyə avadanlığını açıb.
Hadisə yerinə xilasedicilər gəlib. Xəsarət alan olmayıb və bütün sərnişinlər təyyarədən düşürülüb.
AZAL-ın mətbuat xidmətinin rəhbəri Paşa Kəsəmənski isə “Report”a bildirib ki, təyyarənin ehtiyat trapının ağzı açılıb, ondan sonra bağlanılıb və sərnişinlər normal şəkildə avialayneri tərk ediblər: "Yaranmış problem aradan qaldırıldıqdan sonra təyyarə Bakıya qayıdacaq".
Qeyd edək ki, təyyarə Bakı-İstanbul reysi ilə uçurmuş.