Gəlin qayınanasını küçənin ortasında döydü

Türkiyənin Bursa şəhərində 56 yaşlı qadın 82 yaşlı Alzheimer xəstəsi (yaddaşını itirmiş) qayınanasını küçənin ortasında döyüb.

AzNews.az Türkiyə mətbuatına istinadla xəbər verir ki, bununla da əsəbi soyumayan gəlin yaşlı qadını maşının altına ataraq “öl, səndən canımız qurtulsun” deyib. Hadisə yaxınlıqda yaşayan insanlar tərəfindən kameraya çəkilib, sosial şəbəkədə paylaşılıb.

Ölkənin Ailə və Sosial Siyasət Nazirliyi həmin videodaki qadını və evini tapıb. İnternetdə paylaşılan videodan xəbərsiz olan gəlin “Evdən qaçmışdı, biz bir şey etməmişik. Yolda yıxılıb, başını əzib” deyib.

Qeyd edək ki, yaşlı qadın həmin ailədən alınaraq sığınacağa yerləşdirilib.

Nigar CƏFƏR
AzNews.az