00:17
(077) 610-22-33

Dövlət Enerji Nəzarət İdarəsinin vəzifələri dəqiqləşdirildi

  • >
286 8 May 2013 12:14 | Hadisə

Sənaye və Energetika Nazirliyi balansında olan Dövlət Enerji Nəzarət İdarəsinin vəzifələrini dəqiqləşdirib.Bu barədə AzNews.az Ədliyyə Nazirliyinin saytına istinadən məlumat verir.

Nazirliyin təsdiq etdiyi yeni əsasnaməyə əsasən, Dövlət Enerji Nəzarət İdarəsi dövlət enerji nəzarətini həyata keçirən orqandır və əsas vəzifəsi elektrik və istilik enerjisinin istehsalı,ötürülməsi, paylanması, satılması və istehlakında, elektrik və istilik qurğularının layihələndirilməsində, tikintisində, yenidən qurulmasında, təmirində enerji resurslarından səmərəli istifadə olunmasında təhlükəsiz və dayanıqlı istismarın təmin edilməsində, Azərbaycan Respublikası qanunlarının, elektrik və istilik enerjisindən istifadə, elektrik qurğularının quraşdırılması, texniki istismar və təhlükəsizlik texnikası qaydalarının və müvafiq sahədə digər normativ hüquqi aktların tələblərinə əməl olunmasına nəzarət etməkdir.

Əsasnaməsinə əsasən, idarə subyektlər tərəfindən enerji resurslarından səmərəli istifadənin, təhlükəsiz və dayanıqlı istismarın təmin edilməsinə nəzarət edir, elektrik və istilik enerjisindən istifadə, elektrik və istilik qurğularının quraşdırılması, texniki istismar və təhlükəsizlik texnikası qaydalarının və digər normativ hüquqi aktların tələblərinə əməl olunmasına nəzarət məqsədi ilə araşdırmalar aparır və aşkar edilmiş nöqsan və çatışmazlıqların aradan qaldırılması üçün qanunvericiliklə nəzərdə tutulmuş tədbirləri görür.

Əsasnamənin mətni Ədliyyə Nazirliyinin normativ-hüquqi aktlarının reyestrində dərc edilib. Sənəd 2013-cü il mayın 4-dən qüvvəyə minir.

AzNews.az
Bağla X