“Facebook“da iki böyük müxalifət qrupu dağıdıldı

Bu gün səhər saatlarından etibarən Facebookda Azərbaycanın ən çox üzvü olan "Xilas" və "İstefa" qrupları yoxa çıxıb.

AzNews.az-ın məlumatına görə, hər iki qrupun administratorları bu barədə açıqlama yayıb. "Xilas" qrupunun admini AXCP mətbuat xidmətinin rəhbəri Natiq Ədliov bildirib ki, təxminən yarım saat əvvəl admin olduğu XİLAS qrupuna giriş məhdudlaşdırılıb: "Biz ümid edirik ki, bu Facebookun texniki problemidir, işin arxasında hakimiyyətin cılız dözümsüzlüyü yoxdur. Çalışacağıq ki, problemi yaxın dəqiqələrdə həll edək. XİLAS admin heyəti baş verənlərə anlayış göstərmənizi xahiş edir".

"İstefa" qrupunun administratoru da bununla bağlı açıqlama yayıb. O bildirib ki, qrupun silinməsindən xəbərsizdir və ona Facebook-dan heç bir xəbərdarlıq daxil olmayıb. "Bu gün dostlarımızla problemin aradan qaldırılması üçün əlimizdən gələni edəcəyik".

AzNews.az