20:08
(077) 610-22-33

N!DA-çıların məhkəməsi başlayır

  • >
257 4 Noyabr 2013 10:26 | Hadisə

Sabah Bakı Ağır Cinayətlər Məhkəməsində hakim Cavid Hüseynovun sədrliyi ilə N!DA Vətəndaş Hərəkatı və "Azad Gənclik" Təşkilatının həbsdə olan üzvlərinin cinayət işi üzrə məhkəmənin hazırlıq iclası keçiriləcək.

Qeyd edək ki, hazırlıq iclası daha öncə oktyabrın 28-ə təyin edilsə də, daha sonra noyabrın 5-ə salınıb. Məlumat qurumun mətbuat xidmətindən verilib.

Hazırda NİDA VH-nin 7 üzvü həbsdədir. Gənclərə 234.1-ci (qanunsuz olaraq narkotik vasitələri əldə etmə, saxlama və ya satma) və 228.1-ci (qanunsuz olaraq silah, partlayıcı maddələr və qurğular əldə etmə, saxlama, daşıma və gəzdirmə) maddələri ilə cinayət işi başlanıb.

İstintaq dövründə isə onlara qarşı əlavə olaraq cinayət məcəlləsinin 220.1 (zorakılıqların, talanların, yanğınların törədilməsi, əmlakın məhv edilməsi ilə müşayiət olunan kütləvi iğtişaşları təşkil etmə və ya belə iğtişaşlarda iştirak etmə) maddəsi ilə əlavə ittiham elan olunub.

N!DA-çılardan əlavə "Azad" Gənclik Təşkilatının üzvü İlkin Rüstəmzadə də cinayət məcəlləsinin 220.1-ci maddəsi ilə təqsirləndirilir.

Bahar
AzNews.az
Bağla X