- Köhnə - Hadisə
- 14 Yanvar 2014 10:25
- 3 069
"At və eşşək ətinin hara verildiyi araşdırılacaq"- Yenilənib
APA-nın verdiyi məlumata görə, Xaçmaz rayonunun Qımıl kəndi ərazisində, avtomobil yolundan 250-300 metr aralıda meşə massivində təxminən 1000-dək at və eşşək cəsədi aşkar edilib.
Meşə gözətçisi İlyas İlyasov deyib ki, bu vəzifəyə yeni təyin olunub, ərazini təhvil-təslim edərək bura baxış keçirdiyi zaman bu faktla qarşılaşıb. Onun sözlərinə görə, meşənin üç yerində bu cür heyvan məzarlığı var. O bu barədə artıq rəhbərliyə məlumat verdiyini də deyib.
Ehtimal olunur ki, bu heyvanların ətindən kolbasa istehsalında istifadə olunur, cəsədlərin qalıqları əraziyə axşam saatlarında gətirilir.(09.38)
***
Xaçmaz rayonunda meşə massivində aşkarlanan at və eşşək cəsədləri baytarlar tərəfindən müayinə cəlb edilib.
Hazırda hadisə yerində olan Xaçmaz rayon Qımılqılaq Baytarlıq məntəqəsinin rəisi Zahid Nəsrullayev Movqe.az-a açıqlamasında bildirib ki, ilkin baxış zamanı ərazidə 100-dən çox at və eşşəyin cəsədinin olduğu üzə çıxarılıb:
"Burada hardasa 100-dən çox at və eşşək cəsədi var. Bizim hesablamalarımıza görə, ərazidən 2 tondan çox ət çıxarılaraq aparılıb. Həmin at və eşşək ətinin haraya verildiyi hüquq-mühafizə orqanları tərəfindən araşdırılacaq. Bizə məlum olan isə hadisənin hardasa 20 gün bundan əvvəl baş verməsidir. Həmin cəsədlər yandırılaraq ərazi dezinfeksiya ediləcək".
AzNews.az