04:07
(077) 610-22-33

Şəhidimizin cənazəsi Bakıdan yola salındı

  • >
653 24 Yanvar 2014 08:46 | Hadisə

Naxçıvan Muxtar Respublikasının rəhbərliyi cənazəni qarşılamaq üçün səfərbər olub


Cəbhə xəttində atəşkəsin pozulması nəticəsində Azərbaycan Ordusunun zabiti şəhid olub. Hadisə ötən gecə cəbhənin Tərtər istiqamətində qeydə alınıb.

Ermənistan silahlı birləşmələrinin atəşkəsi pozması nəticəsində ordumuzun kapitanı, Naxçıvan Muxtar Respublikası Şərur rayonunun sakini Elnur Cəfərov düşmən gülləsinə tuş gəlib. 1996-cı il tarixində hərbi xidmətə çağırılan kapitan Elnur Cəfərov döyüş tapşırığını yerinə yetirərkən düşmən tərəfindən açılan snayper atəşindən şəhid olub.

Anspress yazır ki, müdafiə naziri general-polkovnik Zakir Həsənovun əmri ilə döyüş postunda şəxsi şücaət göstərdiynə görə kapitan Cəfərov Elnur Cəfər oğlu ölümündən sonra "Hərbi xidmətdə fərqlənməyə görə" 3-cü dərəcəli medalı ilə təltif edilib.

Müdafiə Nazirliyi rəhbərliyi şəhidin valideynlərinə və yaxınlarına dərin hüznlə baş sağlığı verib və səbr diləyib! Bir az əvvəl aldığımız məlumata görə, şəhidin cənazəsi "Göy Məscid"ə gətirilib. Dini mərasimdən sonra onun nəşi doğulduğu Şərur rayonuna yola salınacaq.

Naxçıvan sakinlərinin Publika.az-a verdiyi məlumata əsasən, Muxtar Respublikanın rəhbərliyi cənazəni qarşılamaq üçün səfərbər olublar. Şəhidin dəfni üçün xüsusi hazırlıq görülür.


AzNews.az
Bağla X