14:49
(077) 610-22-33

“Koroğlu”dakı ticarət köşkləri bu axşam söküləcək – Gərginlik

  • >
1 323 15 Mart 2014 13:02 | Hadisə



"Bakı Metropoliteni" QSC-nin "Koroğlu" stansiyasının keçidlərində fəaliyyət göstərən ticarət köşklərinin sökülməsinə bu gün axşam saatlarından başlanacaq.

"Koroğlu" metrostansiyanda fəaliyyət göstərən ticarət köşklərinin sahiblərinin AzNews.az-a verdiyi məlumata görə, onlara mallarını yığışdırmaq üçün axşam saatlarına qədər vaxt verilib.

Buna etiraz edən köşk sahibləri "Bakı Metropoliteni" QSC-nin rəhbərliyinin martın 27-nə qədər vaxt verdiyini diqqətə çatdıraraq, ticarət yerlərini tərk etmək niyyətində olmadıqlarını söyləyiblər.

Xatırladaq ki, "Bakı Metropoliteni" QSC-nin yeni rəhbərliyi metrostansiya ərazisində olan ticarət obyektlərinin sökülməsinə göstəriş verib. Köşk sahiblərinin kütləvi etirazlarından sonra ticarət obyektlərini boşaltmaq üçün onlara martın 27-ə qədər vaxt verilib.

İlqar Vəliyev
AzNews.az
Bağla X