19:24
(077) 610-22-33

Bakıda axtarışda olan 3 nəfər tutuldu

  • >
830 18 Mart 2014 11:38 | Hadisə

Bakı polisi barələrində axtarış elan edilmiş 3 nəfəri tutub.

Bakı şəhər Baş Polis İdarəsinin mətbuat xidmətindən verilən məlumata görə, Binəqədi rayon Polis İdarəsi 6-cı Polis Bölməsinin əməkdaşlarının keçirdiyi əməliyyat-axtarış tədbirləri nəticəsində Cinayət Məcəlləsinin 177-ci (oğurluq) maddəsi ilə axtarışda olan Səxavət Hüseynov tutulub.

Sabunçu rayon Polis İdarəsi 13-cü Polis Bölməsi əməkdaşlarının keçirdiyi əməliyyat-axtarış tədbirləri nəticəsində isə Cinayət Məcəlləsinin 126-cı (qəsdən sağlamlığa ağır zərər vurma) maddəsi ilə axtarışda olan Akif Əhmədov tutulub.

Bundan əlavə, Cinayət Məcəlləsinin 178-ci (dələduzluq) maddəsi ilə axtarışda olan Ziya Təhməzov tutulub. O, Xətai rayon Polis İdarəsi Cinayət-Axtarış Şöbəsi və 37-ci Polis Bölməsi əməkdaşlarının keçirdiyi əməliyyat-axtarış tədbirləri nəticəsində yaxalanıb.

AzNews.az
Bağla X