Avtobus yük maşını ilə toqquşdu - 14 ölü, 16 yaralı

Braziliyanın Manaus şəhərində sərnişin avtobusu ilə yük maşını toqquşub, nəticədə 14 nəfər ölüb.

APA-nın "RİA Novosti"yə istinadən verdiyi xəbərə görə, yük maşının sürücüsünün idarəetməni itirməsi nəticəsində avtomobil əks hərəkət zolağına çıxaraq qarşıdan gələn avtobusla toqquşub. Nəticədə, sürücülər və hamilə qadın da daxil olmaqla, 14 nəfər ölüb, 16 nəfər xəsarət alıb.

"Hər şey qəfildən baş verdi. Yük maşını təxminən saatda 100 km sürətlə hərəkət edirdi", deyə hadisə şahidi bildirib.

İnsidentin təfərrüatları müəyyənləşdirilir.


AzNews.az