14:07
(077) 610-22-33

Yol partladılacaq

  • >
435 29 Avqust 2012 15:28 | Hadisə

Avtomobil yolu dağlıq yerdən keçdiyi üçün 4 yerdə partlayış işləri planlaşdırılıb



"Azəryolservis" ASC-nin mətbuat xidmətindən AzNews.az-a verilən məlumata görə, Qusar-Əniğ-Ləzə Suvar düşərgəsi avtomobil yolu Qusar şəhər avtovagzal dairəsindən başlamaqla Suvar düşərgəsinədək uzanır. Ümumi uzunluğu 39 km təşkil edən yolun ilk 7 kilometr hissəsi 1-ci texniki dərəcəli 4 zolaqlı, 7-21-ci kilometrə qədər hissəsi 2-ci texniki dərəcəli 2 zolaqlı, 21-36-cı kilometrə qədər hissəsi 3-cü texniki dərəcəli 2 zolaqlı, 36-39 kilometrədək isə 4-cü texniki dərəcəli 2 zolaqlı olacaq.

Yol boyu 7 körpünün və müxtəlif diametrli 30-dan çox suötürücü borunun tikintisi işləri artıq başa çatdırılmışdır. Körpülərdən 3-nün uzunluğu 18 metr, 2 –nin uzunluğu 12 metr, digərilərinin isə müvafiq olaraq 54 və 108 metr, eni isə 11,5 metrdir.

Bundan əlavə, yolun 18 kilometrlik hissəsində ikiqat asfalt-beton örtüyünün vurulması işləri də tamamlanıb. Hazırda genişləndirilməsi nəzərdə tutulan yolun 30-36-cı kilometrinədək olan hissəsində torpaq işləri davam etdirilir. Həmin ərazidə avtomobil yolu mürəkkəb relyefə malik dağlıq yerdən keçdiyi üçün 4 yerdə partlayış işləri də nəzərdə tutulub.

İlkin
AzNews.az
Bağla X