12:58
(077) 610-22-33

Pulsuz qazla təmin olunan dini məbədlərin sayı açıqlandı - RƏSMİ

  • >
1 485 23 Aprel 2014 09:12 | Hadisə

Bu ilin aprelin 1-dək 190 məscid və dini məbədə təbii qazdan əvəzsiz istifadə üçün limit ayrılıb. AzNews.az xəbər verir ki, bu barədə ARDNŞ-nin "Azəriqaz" İstehsalat Birliyinin baş direktoru Əkbər Hacıyev mətbuata açıqlamasında bildirib. Onun sözlərinə görə, Azərbaycan prezidenti İlham Əliyevin tapşırığı və ARDNŞ-nin Şurasının 63 nömrəli 30 dekabr 2013-cü il tarixli qərarına əsasən məscidlərə və digər konfessiyalara məxsus dini məbədlərə ayrılmış illik limit daxilində təbii qazın əvəzsiz verilməsi nəzərdə tutulub. İB direktoru əlavə edib ki, 2013-cü il ərzində məbəd və ziyarət yerlərinin istifadə etdikləri qazın orta illik sərfiyyatının 1953 kubmetr olmasına baxmayaraq, hazırda təbii qazla təmin olunmuş ibadət və ziyarət yerlərinin hər birinə illik 5000 kub metr limitin tətbiq olunması qərara alınıb: "Gələcəkdə təbii qazdan istifadə etmək üçün "Azəriqaz"a müraciət edən İslam dini təyinatlı ibadət, digər konfessiyalara məxsus məbəd ziyarət yerlərində bu işin həyata keçirilməsi nəzərdə tutulub. Belə ki, "Azəriqaz" öz vəsaitləri hesabına layihə-smeta sənədləri əsasında qaz xətləri çəkilib sayğac quraşdırıldıqdan və müvafiq qeydiyyatdan keçməsini təsdiq edən sənədlər təqdim etdikdən sonra nəzərdə tutulmuş limit tətbiq olunmalıdır".

Amid Əyyuboğlu
AzNews.az
Bağla X