Ramil Səfərovun nişanlısı da danışdı - Foto

Bu gün Azərbaycana ekstradisiya edilən və elə hava limanında prezidentin əfv fərmanı ilə azadlığa buraxılan Ramil Səfərovun nişanlısı da məsələyə münasibət bildirib

AzNews.az "Qafqazinfo"ya istinadən bildirir ki, zabitimizin nişanlısı Şəbnəm Gülməmmədova Ramil Səfərovla nişanlı olduğunu təsdiqləyib, daha sonra o geniş açıqlama vermək istəməsə də bunları deyib: "Bir daha təşəkkür edirəm. Amma heç bir yerdə fikir bölüşmək istəmirəm. İnşallah ki, başa düşərsiniz məni".

Qeyd edək ki, Şəbnəm Gülməmmədova Bəxtiyar Hacıyevin "Facebook" profilində Ramil Səfərovun azadlığı ilə bağlı ona göz aydınlığı verənlərə təşəkkür edib: "Allah bütün məhbusların qapısını açsın".

Ramil Səfərovun nişanlısının BP-də işlədiyi bildirilir.

AzNews.az