34 yaşlı oğlan çayda boğuldu

Azərbaycanda 34 yaşlı oğlan çayda boğulub.

ANS PRESS-in məlumatına görə, hadisə Sabirabad rayonunda baş verib.

Belə ki, Fövqəladə Hallar Nazirliyinin "112" qaynar telefon xəttinə daxil olmuş məlumata əsasən, Kür çayının Sabirabad rayonunun Ulacalı kəndi ərazisindən keçən hissəsində bir nəfər batıb.

Batan şəxsin 1980-ci il təvəllüdlü Səfərov Rəşad Nəriman oğlu olduğu ehtimal edilir.

Onun cəsədinin axtarışı üçün Fövqəladə Hallar Nazirliyinin dalğıc-xilasediciləri hadisə yerinə cəlb olunub və axtarışlara başlanılıb.

AzNews.az