- Köhnə - Hadisə
- 13 Avqust 2014 09:06
- 2 239
Oğuz meşələri bu gün yenə yandı - FHN
Bu gün səhər Oğuz rayonu, Xaçmaz kəndi ərazisindəki meşə massivində yanğın baş verib.
Fövqəladə Hallar Nazirliyindən AzNews.az-a verilən məlumata görə, yanğın nəticədə meşə təsərrüfatına məxsus 5 hektar ərazidə qurumuş ağaclar, ağac budaqları, və kol-kos yanıb. Yanğının söndürülməsinə nazirliyin Dövlət Yanğından Mühafizə Xidmətinin 50 nəfər yanğınsöndürəni, 4 ədəd yanğın avtomobili və 30 nəfər meşə təsərrüfatının işçiləri cəlb olunub. Meşə zolağının qalan hissəsi yanğından mühafizə olunub.
Yanğın saat 06:52-də yanğınsöndürənlər tərəfindən söndürülüb.
Xatırladaq ki, qeyd olunan ərazidə bir neçə gün əvvəl də yanğın hadisəsi baş vermişdi.
Amid
AzNews.az