İki rayonunda meşə yanğınının qarşısı alındı

Azərbaycanının iki rayonunda meşə yanğınının qarşısı alınıb.

AzNews.az Fövqəladə Hallar Nazirliyinin saytına istinadən xəbər verir ki, Şabran rayonu, Çuxurazəmi kəndində (rayon mərkəzindən 59 km aralı) 5 ha sahədə kol-kos yanıb. Yaxınlıqdakı meşə zolağı yanğından mühafizə olunub. Yanğın saat 22:40-da yanğınsöndürənlər tərəfindən söndürülüb.

Daha bir yanğın hadisəsi isə Quba rayonunda qeydə alınıb. Belə ki, rayonun, Alpan kəndində (rayon mərkəzindən 18 km aralı) 5 ha sahədə biçilmiş taxıl sahəsi yanıb. Yaxınlıqdakı meşə sahəsi yanğından mühafizə olunub. Yanğın saat 00:04-də yanğınsöndürənlər tərəfindən söndürülüb.

Amid
AzNews.az