Növbəti Xəzər sammiti Qazaxıstanda keçiriləcək

Qazaxıstan prezidenti Nursultan Nazarbayev Xəzəryanı ölkələrin növbəti sammitini 2016-cı ildə Qazaxıstanda keçirməyi təklif edib.

AzNews.az xəbər verir ki, Nazarbayev bildirib ki, "Əgər siz belə bir qərar qəbul etsəniz, 2016-cı ildə biz sizi qəbul etməyə hazırıq".

Nursultan Nazarbayev, həmçinin sammitin iki ildən bir keçirilə biləcəyini də vurğulayıb.

Qeyd edək ki, IV Sammit çərçivəsində Nazarbayevdən daha öncə çıxış edən Azərbaycan prezidenti İlham Əliyev deyib ki, Xəzərdə həyata keçirilən hərbi fəaliyyət bütün ölkələrin bərabər təhlükəsizliyinin təmin edilməsi prinsipləri əsasında həyata keçirilməlidir.

Aydan Axundova
AzNews.az