00:08
(077) 610-22-33

“Bacım Kazanda faciəli şəkildə həlak olub” - Müğənni

  • >
5 113 16 Mart 2015 17:09 | Hadisə

“Elit Star” Cəmilə Kazan şəhərində azərbaycanlı iş adamı Hüseyn Qəhrəmanova aid olan “Admiral” ticarət evində ölən qadının onun bacısı olduğu faktını təsdiq edib.

Bu haqda o, fikirlərini AZNEWS.AZ-a bölüşüb.

"Təəssüf ki, eşitdiyiniz xəbər düzdür. Kazanda yanğın zamanı ölən qadın mənim bacımdır. O, faciəli şəkildə həlak olub. Bir azdan cənazəsini Azərbaycana gətirəcəklər. Çox pisəm", - deyə Cəmilə xanım bildirib.

***
16:52

Kazanda ticarət mərkəzində baş verən yanğın nəticəsində ölən qadın Azərbaycanda tanınmış müğənninin bacısıdır.

Trend-in əldə etdiyi məlumata görə, Kazanda ticarət mərkəzində baş vermiş yanğın nəticəsində ölən Muxtarova Tamilla Hüsü qızı müğənni müğənni "Elit Star" Cəmilənin bacısıdır.

Onu da qeyd ediək ki, 1961-ci il təvvəludlü mərhum Tamilla Muxtarova ailəli olub. İki övladı olub.

Bu gün T.Mutarovanın cənazəsinin Bakıya gətiriləcəyi və saat 17:00-da Heydər Əliyev adına Beynəlxalq Hava Limanında qohumlarına təhvil veriləcəyi gözlənilir.

Qeyd edək ki, mərhum T.Muxtarovanın martın 22-də doğum günü qeyd ediləcəkdi.

Xatırladaq ki, martın 13-də Tatarıstanın paytaxtı Kazan şəhərində ticarət mərkəzlərindən birində baş verən yanğın nəticəsində 17 nəfərin öldüyü bildirilir, onlarla insan xəsarət alıb. Dağıntılar altında qalan digərlərinin çıxarılması istiqamətində işlər davam etdirilir.

Ümumrusiya Azərbaycanlıları Konqresinin Tatarıstan nümayəndəliyindən isə daha öncə Trend-ə bildiriblər ki, yanğın zamanı iki azərbaycanlı ölüb, ikisi isə yaralanıb.
Bağla X